黑心購物團調查 🕵️
阿正同妹姐帶你潛入平價旅行團，揭發強迫購物、零團費陷阱同黑心導遊套路。 由香港深圳做到歐洲杜拜，笑住嚟踢爆！
《臥底旅行團》係香港 HOY TV 電視節目，由阿正同妹姐主持，喬裝成普通旅客潛入平價團、零團費團，用隱藏鏡頭記錄強迫購物、黑心景點同導遊推銷手法。呢個網站係粉絲整理嘅節目資料庫，包含集數、地圖、評分、訪問同幕後故事。
*本網站與 HOY TV 及節目團隊無關，純屬粉絲二次創作
兩位以血肉之軀對抗黑心旅行團嘅無名英雄
臥底 · 主持人 · 演員 · 被迫營業嘅旅行團受害者
阿正，係香港娛樂圈少有願意「為藝術犧牲」嘅勇者。係有線電視／HOY TV 嘅鎮台一哥。主持風格可愛又得、正經又得，一句「妹妹做全套」足以令觀眾笑到噴飯。
自從加入《臥底旅行團》，阿正就過着「表面旅行、暗中受苦」嘅雙重生活。佢同妹姐喬裝成普通旅客，潛入平價團、零團費團同各種「騎呢旅行團」，用肉身試伏、用靈魂搞笑。
阿正鍾意食黃鱔飯、榴槤，對地道農家風味特別冇抵抗力。出團見到好嘢食，會短暫忘記自己係嚟做臥底。
臥底 · 主持人 · 演員 · 被迫營業嘅旅行團受害者
妹姐，係《臥底旅行團》入面阿正不可或缺嘅靈魂拍檔。佢以甜美外表掩飾住一顆「好打得」嘅心，每次臥底任務都衝鋒陷陣，shopping 買得仲貴過團費都無怨言。
妹姐嘅任務唔係淨係做花瓶，而係負責用女性視角拆穿旅行團嘅種種陷阱。佢同阿正一凹一凸，完美演繹「靈魂拍檔」嘅精髓。
妹姐鍾意蒸水蛋、農家菜、無花果、榴槤……食貨雷達極其敏銳，往往第一個發現團餐有冇伏。
由 2014 年《開飯啦》嘅第一次卧底開始，到今日橫跨 S1 至 S5 嘅國際臥底任務，睇下阿正同妹姐點樣由本地做到泰國、韓國、星馬、歐洲、杜拜、巴黎，變成香港電視史上獨特嘅消費者權益節目。
7月6號至8月24號 · 有線電視娛樂台 · 逢星期日 · 共8集
7月12號起 · 有線電視娛樂台 · 共8集
5月19號至9月1號 · 香港開電視 · 逢星期日22:30－23:30 · 共14集
10月15號至2024年1月7號 · HOY TV · 逢星期日21:00－22:00 · 共13集
2024年1月14號至2月25號：《爆笑前傳》— S1+S2共6集重新包裝
2月9號至4月27號 · HOY TV · 逢星期日21:00－22:00 · 共12集
7月27號至11月2號 · HOY TV · 逢星期日21:00－22:00 · 共14集
2025年6月7號：首個粉絲見面會 🎤 妹姐現場獻唱「下午茶」！ ▶️ YouTube
2026年2月8號及15號 · 一連兩個星期日21:00－22:00 · HOY TV。 ▶️ YouTube
按季節揀集數
臥底旅行團去過地方
互動地圖標示《臥底旅行團》去過嘅地方，包括深圳、澳門、泰國、韓國、星馬、歐洲、杜拜、巴黎等臥底任務地點。點擊 marker 可睇返集數同 YouTube 精華。
載入緊地圖... 🗺️
阿正同妹姐 / 妹頭接受過嘅文字專訪、影音訪問同節目精華，整理成臥底訪問合集，方便臥粉一次過睇晒。
10條快問快答，測你係豬仔定臥底
透過 10 條關於《臥底旅行團》嘅快問快答，測下你對黑心旅行團、強迫購物、零團費陷阱有幾了解，睇下你係「豬仔」定「臥底」！
10 條問題，每題 10 分，總分 100。睇下你係「豬仔遊客」定「金牌臥底」！
你身處黑心旅行團，每一個選擇都決定你會唔會成為苦主
呢個互動小遊戲模擬你參加平價團／零團費團時會遇到嘅情境，由導遊推銷到強迫購物，睇下你會唔會做下一個苦主！
每團分數由妹姐同阿正親評，越高分代表越伏
整理咗《臥底旅行團》多團真實評分，由妹姐同阿正親評每團嘅黑心程度。分數越高代表越伏，幫你睇清平價團、零團費團同強迫購物團嘅伏位。
📍 湛江 · 💰 團費 $539 · 小費 $240 · 📅 3 日
| 評分項目 | 妹姐 | 阿正 | 平均分 |
|---|---|---|---|
| 團費 | 4 ★★★★★ | 3.5 ★★★★★ | 3.8 |
| 膳食 | 3 ★★★★★ | 3 ★★★★★ | 3.0 |
| 住宿 | 3 ★★★★★ | 3 ★★★★★ | 3.0 |
| 行程 | 3.5 ★★★★★ | 4 ★★★★★ | 3.8 |
| 導遊 | 4 ★★★★★ | 4.5 ★★★★★ | 4.3 |
| 總分 | 35.5 |
📍 順德 · 💰 團費 $69 · 小費 $200 · 📅 2 日
| 評分項目 | 妹姐 | 阿正 | 平均分 |
|---|---|---|---|
| 團費 | 4 ★★★★★ | 3.5 ★★★★★ | 3.8 |
| 膳食 | 3 ★★★★★ | 3 ★★★★★ | 3.0 |
| 住宿 | 3 ★★★★★ | 3 ★★★★★ | 3.0 |
| 行程 | 3.5 ★★★★★ | 3 ★★★★★ | 3.3 |
| 導遊 | 4 ★★★★★ | 4 ★★★★★ | 4.0 |
| 總分 | 34 |
📍 杜拜 · 💰 團費 $4,999 · 小費 $1,080 · 📅 6 日 · 機場稅 $2255.0
| 評分項目 | 妹姐 | 阿正 | 平均分 |
|---|---|---|---|
| 團費 | 4 ★★★★★ | 3.5 ★★★★★ | 3.8 |
| 膳食 | 3.5 ★★★★★ | 3 ★★★★★ | 3.3 |
| 住宿 | 3 ★★★★★ | 3 ★★★★★ | 3.0 |
| 行程 | 3.5 ★★★★★ | 3.5 ★★★★★ | 3.5 |
| 導遊 | 4 ★★★★★ | 4 ★★★★★ | 4.0 |
| 總分 | 35 |
點解我會整一個《臥底旅行團》嘅網站？呢個網站係一個臥粉小編對阿正、妹姐同埋節目嘅小小心意，希望更多人認識呢個揭露黑心旅行團嘅香港電視節目。
話說喺好耐之前，我都係一個普普通通嘅香港觀眾，夜晚開住電視，求其睇吓有咩節目。
係 YouTube 碌碌下……見到一個叫《臥底旅行團》嘅節目。
我第一次睇嘅時候，係睇到阿正同妹姐參加一個 $1 蚊嘅深圳團。
「$1 蚊？來回車費都唔止啦！」—— 阿正用佢招牌嘅冷面，講出咗我心入面嘅疑問。
然後成個過程，佢哋被帶去一個個購物點，導遊開咪狂推銷，逼團友買嘢。阿正同妹姐要扮晒若無其事，但鏡頭捕捉到佢哋嗰種 無奈又想笑 嘅表情，真係睇到我笑到肚痛。
就係咁，我中咗「臥底」呢條癮。
呢個節目陪咗我好多個車程、好多個夜晚，係飛機都可以睇到。
你話奇怪唔奇怪 — 明明佢哋係俾人呃、俾人逼買嘢、食啲不知名嘅嘢、住啲奇怪嘅酒店，但係佢哋總係可以用一種 苦中作樂 嘅態度去面對。
阿正
「哦……又係購物點？」
妹姐 / 妹頭
「嚟到就買啦！」
呢個組合，喺香港電視史上真係好難得。
所以，我一直喺度諗：「如果我識多啲人睇呢個節目就好啦。」
呢個節目由 2014 年做到而家，橫跨超過十年，由 S1.0 一蚊深圳團去到 S5.0 杜拜、越南、泰國，仲衍生咗《餓底家家走》同《臥底服務團》。但係身邊好多人仍然唔知道有呢個節目，或者聽過個名但冇認真睇過。
我成日覺得，一個咁好嘅節目，值得更多人認識。
於是，我就諗咗一個好傻嘅念頭：不如整一個網站，將所有關於《臥底旅行團》嘅嘢收集埋一齊。
呢個網站冇咩商業目的，純粹係一個粉絲嘅愛。
我想見到：
或者，最簡單嘅理由係：
我鍾意呢個節目，我想同人分享呢份喜歡。
就係咁簡單。
如果你都係一個臥粉，歡迎你比啲意見我。如果你係第一次認識呢個節目，希望你會鍾意佢，同我一樣，一睇就上癮 🕵️
—— 一個小小嘅臥粉 · 小編 ❤️
📱 臥底社交精華
Instagram、Facebook、Threads 上嘅臥底旅行團短片同精華，隨時追蹤阿正同妹姐嘅最新動態。
臥底旅行團大揭秘
由妹姐同正爺主持嘅《臥底旅行團》5.0，6大謎團大揭秘，二人堅稱搵命摶。
臥底旅行團 IG Reel
Instagram 上的臥底旅行團相關短片精華。
臥底旅行團 FB 短片
Facebook 上的臥底旅行團相關短片分享。